MERENDAS SAÚDABLES

Elabora o teu calendario semanal de merendas para a vindeira semana. Debaixo de cada día escribe a merenda e fai o debuxo. Lembrade que as froitas son imprescindibles para unha alimentación saúdable.
Elixe un día para facer a túa merenda favorita e con quen che gustaría compartila.

(Non é preciso imprimir a lámina, coma sempre podedes facela nun folio ou caderno)

                                   

Agora uns xogos para que gocedes coas froitas, hortalizas e facendo menús.

Tedes novas actualizacións na web do cole:
BIBLIOTECA
RELIXIÓN

ARTE E VENTÁS

Se algo fixemos nestes días na casa foi mirar polas ventás, para aplaudir, cantar, bailar, tocar instrumentos, saudar aos veciños e veciñas, observar...

Existen multitude de obras de arte na que as ventás son as protagonistas, como esta de Dali,
 titulada "Muchacha en la ventana"

preme na imaxe e poderás ver máis obras de arte

Propóñovos o seguinte:
Observade a imaxe e facedevos preguntas:
Quen será esa muller?
Que fai?
Onde estará?
 Que verá?
Que ulirá?
Que escoitará?
Como se sentirá?
...
Agora saíde a vosa ventá e facédevos as mesmas preguntas:que vexo? Que escoito? Que ulo?...Despois escribídeo.
Sacade unha foto e poñedelle un título.
Pintade a vosa propia obra de arte mirando pola ventá que máis vos gusta da casa.
Tamén podedes inventar unha pequena historia baseada nesa foto.
Enviádeme as vosas obras de arte para facer un libro "ARTE E VENTÁS EN CUARENTENA"😊

UNHA SEMANA EN IMAXES

DE QUE COR É UN BICO?

A pesares do confinamento e da distancia, mandovos un bico e unha recomendación lectora, por todos eses bicos que nos gustaría dar e non podemos.
Cando todo pase volveremos a bicarnos e a dar apertas. 

De que cor son os nosos bicos?

Debuxa os bicos que che gustaría dar e non podes, pintaos e escribe que significa cada un.

E recordovos que kalandraka TV contavos un conto cada día.

DEBUXO CON LEANDRO LAMAS

E para seguir pasando estes días entretidos, hoxe vou a presentarvos a un pintor e ilustrador galego LEANDRO LAMAS (preme no seu nome).
Quen ademais está compartindo e ofrecendo os seus deseños paso a paso para que poidamos debuxar na casa! 

Moitas son as persoas que se achegan os seus debuxos, velaí colgamos dous e os pasos que deberedes seguir para obter ese resultado; cada quen é libre de colorealo como queira empregando rotuladores, ceras, etc. Ánimo maiores e pequenos artistas!

SIMETRIA

Propóñovos un xogo, "simetrías por parellas" 

(preme no nome do xogo para ver máis recursos), cun irmá, con papá, mamá ou avós,  podedes usar material como regletas, policubos, palillos, plastilina, legos...ou calquer outro que teñades pola casa. Poñédelle imaxinación.

Colocamos un eixe de simetría e a partir de aí poñemos a ambolos lados e así imos construindo modelos simétricos. Este é o que fixen eu, unha árbore con cocos, amorodos e plátanos de canarias.😊 

Tamén fixen o mar con un páxaro e un barco. Pero ollo, como se reflexa no mar?

Outros modelos.

       

     

Por último experimentade a simetría con espello. Neste caso usade o espello como eixe de simetría.

Veña, poñelle a voar a vosa imaxinación e construide os vosos modelos.

Deixovos algún material máis por se queredes debuxar.

UN CONTO PARA ESTE FIN DE SEMANA

Aquí vos deixo este conto, ideal para este fin de semana. Animádevos a enviarme foto da vosa saída a rúa de novo. Gozade moito.😃

              

Tamén podedes escribir un pequeno texto, contando esta experiencia para que vos quede de recordo.

Que día e hora saíches a rúa?

Con quen saíches?

Que sentiches?

Que uliches?

Que xoguete levaches?

Que tempo facia? Solleiro, anubrado, choiva...

Que percorrido fixeches?

Con quen te atopaches?

...

FIGURAS XEOMÉTRICAS NA CASA

Xa que toca estar na casa, aproveitemos para observala moi ben.

Os nosos fogares estan decorados con moita xeometría, cadrados, rectangulos, rombos...que se combinan con todo tipo de materiais.

Observa as seguintes imaxes e seguro que descobres moita xeometría.

Agora mira ben o teu arredor que seguro que ves moita xeométria na túa casa. Non é preciso que imprimas esta ficha, podes facer a actividade nun caderno ou folio que teñas.

          

Despois anímate a facelas con plástilina, palillos ou calquer outro material que teñas.

Por último fai un debuxo con figuras xeométricas.

DÍA DO LIBRO

O día 23 de abril foi elexido como "Día Internacional do libro"

Pero...sabedes cal é o motivo polo que se celebra no día de hoxe? 

Agora tocavos investigar. Pidelle axuda a familia e se o precisas emprega o buscador kiddle que tes na marxe da dereita.

Soache este personaxe?

De que libro tan famoso é?

Quen é o seu escritor? Cando morreu?

Seguro que xa o descubriches, bravo.

A continuación un capítulo deste fascinante libro.

Traballamos o conto:

.

- Inventa outro título para o conto.

- Ilustra o conto.

- Inventa outro final.

- Animate a pintar "O bigote de Don Quixote" e divirtete facendo deste personaxe, un grande apaixonado dos libros de cabaleiros.

Canción

FELIZ DÍA DO LIBRO E BOAS LECTURAS

TANGRAM

O tangram é un crebacabezas de 7 pezas que 

incentiva a imaxinación de nenos, nenas e adultos.

Esta formado por:

• 5 triángulos,  dous construidos coa diagonal principal do mesmo tamaño, os dous pequenos da franxa central tamén son do mesmo tamaño e un de tamaño medio ubicado en unha esquina.
• 1 cuadrado
• 1 paralelogramo ou romboide

Este xoguete permite crear miles de figuras.

Titorial de como facelo.

Modelo

 Agora comeza o reto e a diversión.

UNHA SEMANA NA CASA

SEMANA DO LIBRO

23 de abril, DÍA DO LIBRO

O longo desta semana, cada día, dende a biblioteca veredes propostas de actividades para descubrir a maxía dos libros.

Entrade no blog e animadevos a participar.

Ademais, non vos esquezades de realizar as propostas de actividades das distintas especialidades (inglés, educación musical...) premendo no curso correspondente na páxina web do centro.

CONTOS

Aquí vos deixo outros enlaces con contos de balde.

FELICES  LECTURAS

O MONSTRO DE CORES TAMÉN ESTÁ NA CASA

O monstro de cores explicalle os nenos e nenas o coronavirus.

Con este conto imos a traballar as emocións primarias e saber algo máis do coronavirus.

Proposta de actividades:

- Fai unha ilustración do conto.

- Investiga sobre o coronavirus: que é? Por que temos que quedar na casa? Que medidas de hixiene temos que levar a cabo para coidarnos? Como podemos axudar a xente máis próxima?

- E ti, que sentes?

Escribe o porque de como te sentes.

Por exemplo, podo sentir:

-Medo porque me preocupa que enferme alguén da miña familia.

-Tranquilo/tranquila porque fago actividades que me relaxan (ler, debuxar, ver debuxos...)

-Triste porque non podo ir ao colexio e ver os meus amigos e amigas.

-Enfadado/enfadada porque non podo saír.

-Contenta/contento porque...

-Etc

É importante decirlle os nenos e nenas como nos sentimos nos como adultos e o sentir da sociedade en xeral, fomentando así a empatía.

- O conto remata coa ilustración do arco da vella e unha mensaxe de esperanza. Se ainda non fixeches o teu, agora é o momento. 

A MAXIA ESTÁ NOS LIBROS!

TEMPO DE LER

É moi importante estimular desde ben pequechos aos nenos e nenas no hábito da lectura xa que será moi importante para o seu desenvolvemento. Coa lectura dun libro despertarás a súa curiosidade, ampliarás o seus coñecementos e estimularás a súa imaxinación.

Algunhas pautas que poden axudarche a hora de promover o hábito da lectura:

• Le alomenos 20 minutos tódolos días.
• Lelle en voz alta, contar un conto é algo moi motivador para o teu fillo/a.
• Dispoñer dun recuncho donde localicen e garden os seus libros.
• Anímalle a participar da lectura, comentar o conto, preguntarlle que lle pareceu, outras posiblidades de como podería rematar o conto...
• Propoñer algun xogo a partir da lectura, como debuxar, recortar imaxes...

KALANDRAKA ofrece cada día un conto contado.

preme na imaxe

ANIVERSARIO DE RAFA

Mañá esta de aniversario o voso amigo Rafa, neste momento as celebracións só se poden celebrar en familia, ainda así animovos a que lle fagades unha felicitación que lla poderedes dar cando chegue o momento do reencontro ou se me enviades a foto da felicitación suboas o blog e poderá velas. Seguro que lle encantan!

Eu xa lle fixen a miña.

Agora tocavos a vós, collede lapis e papel, escribide a felicitación e engadidelle unha ilustración.

Toda festa de aniversario necesita unha invitación. 

Agora tocache a ti Rafa: deseña a túa invitación de aniversario para a túa familia.

COÑECÉMONOS

Para coñecernos!

Propóñovos facer unha presentación.

Aquí vos deixo o guión para facela. 

Primeiro escribidea e logo facede o vídeo. 

Se vos animades podedes facer foto da presentación escrita e logo o vídeo, e mandarmo o classdojo.

BENVIDOS O 3º TRIMESTRE

BENVIDOS A TÓDOLOS ALUMNOS e ALUMNAS DE 1ºA. 

A miña ilusión era coñecervos en persoa despois das vacacións de samana santa, pero como ben sabedes estamos nunha situación de estado de alarma que fai imposible que así sexa e que modifica por completo as nosas vidas. Quedando interrumpido o proceso de acompañamento na aprendizaxe de cada alumno.

A través deste blog pretendo que os alumnos continuen traballando e afianzando os contidos dados ata o de agora, aportando recursos para que cada quen poida facer uso deles en función da súa situación persoal.

Tamén estaremos en contacto a través da app 

classdojo

que nos servirá de canle para todo tipo de dubidas que se vos presenten, poderemos compartir vídeos e fotos que logo publicaremos neste blog, e aportar novas ideas para levar a cabo entre todos.

Desexo que este blog sexa un espazo de aprendizaxe e diversión para todos.

😍😍