FESTA DE NADAL

Como cada ano, no Ceip Rosalía de Castro celebramos o  Nadal con música, actuación de maxía, a entrado do novo ano e os Reis Magos fixeron un oco na súa apretada axenda e visitaron o noso cole para pasar un anaco divertido e repartir caramelos e gusanitos. 

Preme na imaxe para ver as fotos

BO NADAL!

ESTE NADAL, ROMPE COS ESTEREOTIPOS

Ansiosamente agardamos a chegada de Papá Noel, do Apalpador ou dos Reis Magos. 

O xogo é unha poderosa ferramenta educativa, indispensábel para o desenvolvemento da nena e do neno.

Mural elaborado polos alumnos de 1º

APRENDIZAXE COOPERATIVA

DINÁMICAS DE COHESIÓN DE GRUPO

O obxectivo principal das técnicas correspondentes a este ámbito é fomentar o coñecemento mutuo, a participación, a pertenza ao grupo-clase e que se cree un bo clima de aula. Para que os nenos/as poidan traballar xuntos é necesario que se coñezan e que o grupo clase se cohesione.

O longo deste trimestre leváronse a cabo as seguintes dinámicas de cohesión:

A pelota:Trátase dun xogo para que tódolos alumnos aprendan os nomes dos seus compañeiros, unha vez que xa saben os nomes introducense variantes, como dicir o nome e unha cualidade súa.

A tea de araña:Con esta dinámica o final crease unha tea de araña e a mestra destaca que todos somos moi importantes para sostela e que se un solta o cordel todo se desfai. Formamos un grupo no que a colaboración de cada un é necesaria.

Debuxar a cara coas letras do nome: O obxetivo da actividade é que os alumnos/as se recoñezan entre si. Deben representarse así mesmos para que poidan ser identificados.

Así quedaron, a ver se adiviñades:

PUBLICIDADE

Este trimestre pasámolo moi ben comendo froita. Gañamos moitos FROITICASH que trocamos tódolos mércores por xogos.

E AGORA, UNS MINUTIÑOS DE PUBLICIDADE.
VOLTAMOS DE CONTADO!

DÍA INTERNACIONAL CONTRA A VIOLENCIA DE XÉNERO

Os alumnos e alumnas de 1º traballamos os esteriotipos e roles de xénero a través dos catálogos de xoguetes para Nadal.

Fixemos un debate na aula e as súas reflexións sorprendéronnos.

1ºA              

PREME NA IMAXE         

1ºB

As oito mozas de "Máis boas cás patacas " reclaman igualdade coa súa canción "Son muller".

O pasado 20 de outubro acadaron o primeiro premio do certame de música infantil e xuvenil "Quero cantar".

Que soe ben alto e claro: MULLERES FORTES E CEIBES E SE NON É ASÍ, QUE TORNE XA.

OS NENOS E NENAS TEMOS DEREITOS

Hoxe, día 20 de novembro os alumnos e alumnas de 1º aprendemos cales son os dereitos fundamentales que deben ter tódolos nenos e nenas. Fixemos unhas camisetas moi especiais. 

1º A

1ºB

OS DEREITOS DOS NENOS E NENAS

O vindeiro luns, 20 de novembro celébrase o Día Universal do Nen@ co fin de fomentar a fraternidade entre eles e o seu benestar. Elixíuse ese día por coincidir coa data na que a Asamblea aprobou a Declaración dos dereitos do Neno en 1959 e a Convención sobre os Dereitos do Neno en 1989. Na aula ao longo da próxima semana traballaremos sobre este tema.

BOSQUE DE ROSALÍA

Onte todo o centro plantou landras para axudar a reforestar o que levaron os incendios.

Os alumnos/as trouxeron landras da casa. 

No colexio seleccionamos as sans, lixámolas, comprobamos se afundían na auga para asegurarnos de que sexan boas e despois plantamos as landras no envase de cartón.

Agora toca coidalas con moito agarimo e esperar a que medren. 

CONTOS DE MEDO

Despois de ler moitos contos de medo, decidimos converternos en escritores/as e ilustradores/as.

PREME NA IMAXE

PREME NA IMAXE

CELEBRAMOS O SAMAÍN E O MAGOSTO

Onte todo o colexío festexamos o Samaín e o Magosto.

Despois de toda a semana preparándonos, chegou o día, e...

FOI XENIAL!

Os nosos medos saíron a voar.

Alumnos/as de 5º viñeron a lernos contos de medo.

Fixemos un circuito de xogos populares:

 papacastañas

 carreira de castañas

cordas

carreira de sacos

carreira de chapas

lanza castañas

E como non, comemos castañas orgullosos dos nosos cucuruchos tan orixinais.

E para rematar un día cheo de emoción, a gañadora do concurso de "ARTE TERRORÍFICO" na categoría de 1º e 2º foi 

"LUCÍA GUERRA VIDAL"

PARABÉNS!!

ESTÁ O SAMAÍN A PETAR NA PORTA

Ademais de cabazas, calacús ou botefas e tempo de castañas, repolos, patacas e de recoller sementes de árbores autóctonas para reforestar o que levaron os incendios.

Veña! Ide escollendo disfrace, e por suposto non esquezades pasar pola biblioteca do cole e parar no recuncho especial de Samaín. Atoparades un montón de lecturas que vos gustarán.

QUEN DIXO MEDO?

ACHÉGASE O SAMAÍN

Xa está preto a celebración máis terrorífica de todo o ano. É tempo de cabazas, bruxas, esqueletes, pantasmas e vampiros. E tempo de que saían a voar os nosos medos.

É sobre todo é tempo de ser un artista espantoso e pasalo moi ben.

ANIMATE A PARTICIPAR!

E se queredes pescudar e escoitar cantos e danzas desta época, premede na seguinte ligazón.

https://sites.google.com/site/recursosparaosamain/

DÍA DAS BIBLIOTECAS ESCOLARES

Hoxe, día 24 de outubro, celébrase o "Día das bibliotecas escolares" e como non podía ser doutro xeito, os alumnos/as de 1ºA e 1ºB fixemos unha actividade moi divertida na biblioteca. 

"Os amigos lectores" 

UN DÍA DE MUSEO

Hoxe foi un día moi especial. Visitamos o museo organizado polos alumnos/as de sexto.

 GRANDES EXPERTOS!

Puidemos ver exposicións de astronomía, minerais, antigüidades, experimentos...

Gustounos tanto a experiencia que estamos desexando volver a outro museo.

NUNCA MÁIS

Os nenos e nenas merecemos un futuro sen lume!

Así o explican os alumnos/as de 1º.

RECUNCHO DO MAR

Os alumnos/as seguen a traer material 

para investigar do mar. 

PROXECTO "O MAR"

Esta semana comezamos o proxecto anual de centro. 

O MAR

Os nenos e nenas de 1º saben moitas cousas do mar e queren aprender moitas outras. 

Estan desexando mergullarse para descubrir os misterios que agocha.

Xa comezamos a traer material para facer o noso recuncho de investigación.