DÍA DAS LETRAS GALEGAS

MARÍA VICTORIA MORENO, UNHA HISTORIA DE AMOR

Este ano, no día das Letras Galegas celebramos unha homenaxe a María Victoria Moreno, con admiración pola súa obra literaria, polo entusiasmo co que conduciu o seu traballo profesoral, pola entrega coa que participou da dignificación e ensino do galego. 

Dúas grandes paixóns percorreron a vida de María Victoria Moreno: a literatura e as linguas, especialmente en galego, e a docencia.

A data da celebración, o 17 de maio, débese a que en tal día como hoxe, en 1863 publicouse Cantares Gallegos, de Rosalía de Castro,

que moi ben coñecemos no noso colexio.

Esta semana preparamos poemas da obra "EU CONTO, TI CANTAS..."  da  escritora homenaxeada.

IMAXINA QUE O MUNDO FOSE UNHA GRAN BIBLIOTECA!

Decidimos agasallar ao mundo con poesía, fixemos unha chea de poemas para deixar pola vila de Padrón, en un banco, nunha fonte, colgado dunha árbore... para que poidades gozar da súa lectura e logo deixalo noutro lugar que ti prefiras.

preme nas imaxes para ver os vídeos

 

Aquí vos deixo uns vídeos para gozar no día de hoxe.

 

                                           

VICTORIAMORENO, MESTRA CON ALMA

FELIZ DÍA DAS LETRAS GALEGAS

UNHA SEMANA CHEA DE ACTIVIDADES

Acabamos de vivir unha semana con moitas actividades interesentes e moi divertidas.

O martes asistimos a biblioteca cos alumnos e alumnas de infantil e 2º a unha sesión de contacontos con música. 

O mércores antes do recreo fomos ao teatro no auditorio municipal de Padrón. "O XARDÍN DOS CONTOS" un conto dramatizado do texto de M.Lourenzo, onde as flores cantan, os tigres pasean, os dragóns precisan da amizade...Todo isto interpretado polo alumnado das Aulas Senior de Padrón nunha actividade interxeracional.

De volta ao colexio fomos a biblioteca a dar un paseo por Europa.

 Os alumnos e alumnas de infantil e primaria crearon uns stands interativos e informativos. Tivemos a oportunidade de ver exposicións de Islandia, Portugal, Alemania, Italia, Grecia, Holanda, Islandia e Francia. Tamén probamos algún prato típico do país, como en Islandia que nos convidaron a iogur de amorodo, estaba delicioso!

Parabéns a todo o alumnado e profesorado por este gran traballo.