COMEZAMOS

SAPO RAXADO

 Sabemos que os anfibios non estan moi presentes na biodiversidade do Parque Nacional das Illas Atlánticas porque necesitan moita auga doce.

Pero o sapo raxado, especie en perigo de extinción, podemolo ver na Illa de  Cortegada grazas a que hai bosques de loureiro que lle dan humidade ao terreo.

O bosque de loureiros e a Illa de Cortegada respiran misterio.

ILLA DE CORTEGADA

Se vas a Carril

nada máis chegar

verás a Cortegada

deitada no mar.

Deitada no mar 

chorando por ela

van os mariñeiros

nun bote de vela.

De novo subimos a bordo e viaxamos a Illa de Cortegada. Que descubriremos aquí?

RUMBO A SALVORA

CABALOS GALEGOS

  Estamos na Illa de Salvora, ademais de algún monumento que teremos que descubrir, tamén atopamos cabalos de pura raza galega, unha especie en perigo de extinción.

Un vídeo para aprender moito sobre este mamífero.

 

LAGARTO OCELADO

  Un réptil ben bonito que vive no Parque Nacional das Illas Atlánticas, pódese ver polas illas Ons.

Descubriredes que vida tan interesante ten!

Un vídeo do lagarto arnal.

VIAXAMOS A ILLA DE ONS

Despois de coñecer a fauna e flora da Illa de Cíes, subimos a bordo neste super barco no peirao de Cíes, rumbo a Illa de Ons.

Que nos atoparemos alí?

O CORVO MARIÑO CRISTADO

 Xa estamos na Illa de Ons. Que fermosa!

Alí agárdanos unha ave ben bonita. O corvo mariño cristado. 

É unha ave de tamaño medio-grande, que acada de media uns 68–78 cm de longo.

 Os adultos mostran unha pequena crista ou moño durante a época de apareamento, á que lle deben o nome.

Aliméntase de peixes no mar.

O corvo mariño cristado é un dos mellores mergulladores, chegando ata profundidades de 45 m.

 Entre as causas da diminución da poboación, atópanse a mortalidade accidental directa producida por mor do afundimento do Prestige, as capturas accidentais producidas polos trasmallos e a presión que exercen sobre as colonias especies invasoras.

ANIMAIS

O TOXO

 Seguimos investigando sobre o reino vexetal das Illas Cíes. 

Toca pescudar sobre o toxo costeiro, Ulex europaeus.

A flor de toxo, o alecrín, colorea a matogueira costeira do Parque Nacional Marítimo Terrestre das Illas Atlánticas de Galicia.

 É un arbusto espiñento, que pode medir ata 3 metros.

Que bonito!

DÍA DA POESÍA

 

Inventamos un poema para os nosos amorodos e para o laranxeiro que temos amadriñado.

E comezamos a investigar sobre o reino vexetal das Illas Cíes.

HERBA DE NAMORAR

 A herba de namorar. Armeria maritima, é unha planta de folla perenne. 

Medra formando pequenos matos compactos duns 20 ou 30 cm.

As flores poden ser  de cor branca, vermella, ou lila.

AS FOLLAS DOS ARBUSTOS E DAS ÁRBORES

XA ESTÁ AQUÍ A PRIMAVERA

 

Hoxe 20 de marzo comeza a primavera, concretamenta ás 22:24 horas. 

ACHEGASE O DÍA INTERNACIONAL DA POESÍA

 Hoxe quentamos motores para mañá. 

 Sabemos que para chegar ao Parque Nacional das Illas Atlánticas necesitamos ir en barco. 

Recitamos o seguinte poema.

TERCEIRA SEMANA DE MODO GALEGO ACTIVADO.

 XA CASE REMATAMOS! 

 NON, NON IMOS REMATAR, CHEGAMOS AO ACORDO DE QUE IMOS CONTINUAR CO MODO GALEGO ACTIVADO.

Aquí a reflexión desta semana.

Primeiro a nivel oral, logo coa estructura cooperativa de folio xiratorio recollemolas por escrito.

Aquí o rexistro do noso compromiso.

GAIVOTA PATIAMELA

 Hoxe Iago trouxonos unha ave que podemos ver polas illas de Cíes. 

Neste conto descubrimos o seu nome. A gaivota patiamarela.

preme na imaxe

Agora queremos investigar moito máis sobre esta gaivota tan bonita.

 

SEGUNDA SEMANA DE MODO GALEGO ACTIVADO

 SEGUNDA SEMANA

Traballamos a árbore lingüística familiar.

Expoñémolas para toda a clase e reflexionamos sobre a nosa lingua e a que percibimos dos nosos proxenitores. 

Xa estamos rexistrados no Seminario de Estudos Galegos.

Aquí o noso rexistro da evolución do modo galego activado. 

A pola 3º semana e máis!