RIDE CON NÓS

A semana pasada os alumnos e alumnas de 2º levamos a cabo unha actividade moi divertida. Contamos chistes e esmendrellamos coa risa. Aquí vos deixamos os vídeos para que non paredes de rir.

2ºA

2º B

CORPOS XEOMÉTRICOS

Esta semana pasada os alumnos e alumnas de 2º fixemos con plastilina e palillos estes espectaculares corpos xeométricos.
Construimos prismas, cubos e pirámides e medimos a altura da pirámide con regretas. Tamén houbo quen se atreveu co icosaedro.

Preme na imaxe

NON

O 25 DE NOVEMBRO É O DÍA INTERNACIONAL CONTRA A VIOLENCIA DE XÉNERO.

Os alumnos e alumnas de 2º non miramos para outro lado e o longo da mañá levamos a cabo actividades e xuntámonos para berrar ben forte: NON

Logo saímos o patio a berrar ben forte "NON A VIOLENCIA DE XÉNERO"

Por último na aula cantamos a canción "Son muller"

QUE CHE DA MEDO EN PADRÓN?

Aló polo Samaín, decidimos participar no reto da biblioteca o que nos convidou Siria. Tratábase de crear unha composición cun debuxo ou fotografía dun lugar do noso concello que nos dera medo e explicar por que.

Así nos quedou.

A HORTA

Estamos moi ilusionados porque os alumnos e alumnas de 2º participamos na construción da horta. Coa axuda de expet@s comezamos a construir o horto que coidaremos o longo de todo o curso, e aló polo mes de febreiro xa teremos alguns alimentos.

Estivemos moi atentos as explicacións dos expert@s,  preparamos a terra para logo plantar leitugas, chícharos...axudamos a construir o perímetro do horto e tamén buscamos bichos e follas de todo tipo. 

DESCRIBIMOS

Así describiron os alumnos e alumnas de 2ºA, as cabazas que tallaron e decoraron polo Samaín.

Preme na imaxe

CHEGOU O SAMAÍN E O MAGOSTO AO ROSALÍA

Unha semana de preparativos para o mércores pasar un día de medo, diversión e troula. 

Aquí vos deixo un vídeo resumo da celebración do Samaín e magosto.