EXPERIMENTOS DE AUGA

A semana pasada os alumnos e alumnas de 1º asistimos a unha sesión de experimentos de auga organizada polo alumnado de 6ºA. 

Ademais de aprender que a auga é un ben de primeira necesidade, descubrimos que esconde principios básicos da ciencia e curiosidades dun dos elementos máis importante do planeta.

Pasamos un anaco cos compañeiros de 6º mentres aprendemos ciencia divertida. Moitas grazas.

DÍA DO LIBRO

O día 23 de abril foi elexido como "Día internacional do libro" porque coincide co falecemento de Miguel de Cervantes e Willian Shakespear, na mesma data do ano 1616.

Así o representaron hoxe os nenos e nenas de primeiro,

"Co bigote de Don Quixote"

Despois a biblioteca encheuse de nenos e nenas de primeiro para facer un feixe de selfis co seu conto favorito. Selfis individuais, con amigos e amigas e en tódolos recunchos da biblioteca.

Primeiro praticamos moito facendo autorretratos e escribimos como se fan para que nos saíran xenial!

E así nos quedaron na biblioteca.

Preme na imaxe para ver o vídeo.

FELIZ DÍA DO LIBRO E BOAS LECTURAS!

COMEZAMOS O 3º TRIMESTRE

Comezamos o último trimestre do curso con unha semana moi intensa. Xa nos iniciamos no coñecemento de Maria Victoria Moreno, escritora homenaxeada este ano nas letras galegas. Asistimos a biblioteca ao contacontos do seu libro "EU CONTO, TI CANTAS..."

                                         

O venres, día internacional do deporte, realizamos unha sesión de ioga, técnica de reflexión e exercicio físico procedente da India.

Pasámolo xenial, grazas as mestras de infantil que nos convidaron e a Ania, gran profesional que veu ao colexio a ensinarnos algunhas posturas de ioga.

MOITAS GRAZAS

ABECEDARIO DO MAR

Aló polo mes de outubro nos inicios de curso comezamos a investigar para construir o noso abecedario do mar. 

Coñecemos moitos animais mariños, que no mar hai herbas que se chaman algas como por exemplo a ulva e que se comen, descubrimos que o zooplancto está constituido por miles de especies de animais, e moitas outras cousas, como que hai bosques mariños... 

Hai que ver o que aprendemos construindo o abecedario do mar!

 Fixádevos ben na letra Ñ porque ten truco, como non atopamos ningunha palabra que comezara con esa letra decidimos buscar unha palabra que levara esa letra polo medio. 
Neste trimestre rematámolo, ollade como quedou.

                              Estamos moi orgullosos do noso traballo.

Tamén na última semana deste trimestre rematamos as nosas lentes en 3D.