EXCURSIÓN FIN DE CURSO

DÍA DAS LETRAS GALEGAS 2019

"HOMENAXEANDO A ANTÓN FRAGUAS FRAGUAS"

A vida e a obra de Antón Fraguas encheu estes días as aulas, biblioteca, corredores, chanzos, andeis e xanelas do colexio.

 

Para os alumnos/as de 2º, foi unha semana de moitas actividades e... moiiiiiiiii emocionante!

Elaboramos o cartel para o chanzo de Antón Fraguas Fraguas coa técnica do colaxe.

Traballamos arreo para representar a obra de teatro "OS POEMAS DO RÍO" para o alumnado do centro.

Repartimos os carteis polas aulas que elaboramos da obra de teatro para contar con bos asistentes.

E chegou o momento da función.

 E por suposto participamos na romaría que se organizou no colexio e das que tanto investigou Antón Fraguas.

 

HOXE CELEBRAMOS O DÍA DAS LETRAS GALEGAS. FELIZ DÍA!

DÍA MUNDIAL DO AUTISMO

A Asamblea Xeneral das Nacións Unidas declarou por unanimidade o 2 de abril como Día Mundial da concienciación sobre o Autismo para poñer de relevo a necesidade de contribuir a mellora da calidade da vida das persoas con autismo, para que poidan levar unha vida plena e gratificante como parte integrante da sociedade.

E como podes colaborar ti? Así o fixeron os alumnos/as de 2ºB.

PADRÓN

Neste trimestre continuamos pescudando sobre Padrón, o proxecto anual deste curso, e xa podemos dicir que o coñecemos, ou alomenos un pouco máis.

O seguinte vídeo servemos para saber un chisco máis sobre esta fermosa vila.

Daquela, xa estamos preparados para escribirlle aos alumnos/as de 2ºA do colexio Príncipe de Asturias para que coñezan como é Padrón.

Eles xa nos escribiron, e encantounos o seu pobo!

Na vindeira semana enviarémoslle unha carta contandolle como é Padrón e tamén lle mandaremos unhas postais cos monumentos que temos aquí.

Preme na imaxe para ver a carta.

A MALETA

O longo deste trimestre levamos a cabo a dinámica de cohesión de grupo titulada "A MALETA". 

Consiste en que cada alumno/a leva un día a maleta a súa casa, para traela cargada con obxectos que despois na aula ten que ensiñarllos aos compañeiros e explicarlle que significa cada un deles.

Encantounos! 

CHEGA O ENTROIDO

Unha semana chea de actividades preparándose para o gran día, venres de entroido. Por primeira vez no colexio levouse a cabo un desfile pola vila de Padrón.

Este ano o proxecto anual de centro e coñecer Padrón a fondo. Neste entroido quixemos achegarnos a figura do escritor Padronés Camilo Jose Cela co título “Quen vive a carón do tren?”

Disfrazándonos de ferroviari@s.  Con este disfrace representamos un tren que pasaba xunto a casa de Camilo e que conducia o seu avó materno que foi ferroviario e cuxa locomotora se atopa na súa fundación.

Durante toda a semana traballamos para elaborar o disfrace, fixemos as locomotoras e os vagóns con caixas de cartón e as rodas con cartolina.

O mércores asistimos a biblioteca a ponencia sobre o entroido con interese turístico galego, os Xenerais da Ulla.

E participamos no reto da biblioteca explicando este entroido Galego tan espectácular.

 

 

 

 

 

 

 

Para máis información:

http://xeneraisdaulla.com/index.php/es/

Tamén durante a semana participamos nas mandadas do Meco.

E o venres, xuntos o Entroido celebramos vindo ó colexio disfrazados. Pasámolo xenial!

E despois de tanto andar, fixemos unha boa parva con doces de entroido. Deliciosa!