OS DEDOS DAS MANS

 Seguimos coñecendo partes do corpo, nestes días imos aprender  o nome dos dedos da man que son moi especiais e divertidos.

Imos coñecelos!!!

DE CONCERTO

O venres gozaremos do concerto de Pakolas.

Que bo xeito de comezar o noso proxecto da música! 

O longo da semana traballaremos para coñecer o seu último traballo, o libro-cd de música infantil “Ramona Órbita. A dona do Tempo”, unha personaxe inspirada na súa bisavoa Ramona. Esta é unha muller ben curiosa e sobre todo preocupada polo medio ambiente e por protexer a natura, e mellorar o noso futuro. 

Ben seguro que gustaredes de coñecela!

Canción

Letra da canción

Creación plástica

                                                                         Outra versión

UN APARELLO TECNOLÓXICO

 SABEDES QUE É ISTO?

Seguro que si.  Hoxe na aula comezamos a investigar sobre este aparello.   

Animádevos a seguir trebellando na casa con este aparello. No seguinte documento tedes toda a información para seguir investigando.

  

O longo do curso traballaremos moito coa calculadora.

POR QUE HAI QUE RECICLAR?

SABES A COR DO COLECTOR?

Preme nas seguintes imaxes para ver os vídeos.

OS TRES ERRES

ANIVERSARIOS

No mes de setembro tivemos dous días moi importantes, o aniversario de Joel e o de María.

 Así é como celebramos os aniversarios. Facendo invitacións e felicitacións. Escribimos, debuxamos, coloreamos, cantamos e bailamos ao ritmo de Uxía Lambona e a banda molona.

preme na imaxe

O HORTO ESCOLAR

 Hoxe tivemos unha gran sorpresa. Chegou a mestra Irene a nosa aula con unha caixa e unha carta que os monstros deixaron para nós.

A mestra Martina abriu a carta, nela os monstros pedíannos  axuda porque non sabían donde está o noso bonito horto, pero antes de poñernos de camiño para o horto, tiñamos que facer a tarefa que nos pedian.

Os encargados do día abriron a caixa, e non o dubidamos, comezamos a traballar para axudarlle.

 

 

Logo o final da mañá fomos o horto e comezamos a preparar o terreo para plantar amorodos. Sacamos malas herbas, sachamos e regamos. 

Este curso imos traballar nun ecosistema moi interesante:

 O HORTO ESCOLAR

ESTAMOS PREPARADOS?

O horto é un ECOSISTEMA terrestre no que interactúan as hortalizas, froitas e verduras con pequenos animais e co medio ambiente.

Un ECOSISTEMA está formado por un conxunto de seres vivos (animais e plantas), o medio que os rodea (auga, aire, terra...) e as relacións que existen entre eles.

Os seres vivos relaciónanse entre eles e co medio físico no que viven.

Os seres vivos, que son os animais e as plantas, relaciónanse cos elementos non vivos, que son as rochas, area, auga, sol, choiva...

CHEGOU O OUTONO

 Hoxe, venres 23 de setembro, ás 03:04 horas comeza o outono.

Deixamos o verán e comezamos unha nova estación, que rematará o 21 de decembro coa chegada do inverno.

FELIZ OUTONO!

É o momento de que as castañas, metidas nos seus ourizos, caian das árbores para que poidamos alimentarnos con este froito tan delicioso.

 

O CASTIÑEIRO é unha árbore moi abundante en Galicia e os bosques destas árbores en outono son un gran espectáculo.

É unha árbore de folla caduca, que comeza a caer sobre o mes de novembro.

 Os monstros desta aula tamén lles gustan as castañas, decidiron saír de excursión polo SOUTO a recoller. 

...e por que caen as follas das árbores?

O alumnado desta aula decia:

- Porque vai frio.

- Porque chove.

- Porque vai vento.

...

Será así?

CASTIÑEIROS

FROITO

FOLLAS